„ბორუსია“ - „ბარსელონა“: ტომას დილანეი შეხვედრის წინ
"ბორუსიას" ნახევარმცველი, ტომას დილანეი ჩემპიონთა ლიგაზე "ბარსელონასთან" გასამართ შეხვედრას შეეხო.
"მე ბურთის მესისავით ტარება არ შემიძლია, ამიტომ მოედანზე სხვა ფუნქციების შესრულება მიწევს. ბურთისთვის ფიზიკურ ორთაბრძოლაში გამარჯვება და ზუსტი მოკლე გადაცემის გაკეთება საკმარისია იმისთვის, რომ საკუთარი თამაში დადებითად შევაფასო.
"ბაიერის" "ბარსელონას" დონეზე დაყენება არ მსურს, მაგრამ ლევერკუზენელებთან შეხვედრა ჩვენთვის კარგი გამოცდა იყო. საუბარია ბუნდესლიგის ერთ-ერთ იმ გუნდზე, რომელიც შესანიშნავ ფეხბურთს აჩვენებს.
თავდაცვაში შესანიშნავად ვმოქმედებდით. ბურთს დიდი ხნით ვკარგავდით, მაგრამ კარგად გადავადგილდებოდით. ეს "ბარსელონასთანაც" აუცილებელი იქნება. თავდაჯერებულები ვართ.
"ბარსელონას" წინააღმდეგ რამდენიმე წლის წინ მითამაშია ("კოპენჰაგენის" შემადგენლობაში, 2010). საშინაო შეხვედრა ფრედ, 1:1 დავასრულეთ. ვფიქრობ, ღირსეული შედეგია."-წერია ტომას დილანეის სიტყვები Goal-ზე.
ამ სიახლეზე კომენტარები გათიშულია.
კომენტარები [ 1 ]