Sport: დემბელე სასტარტო შემადგენლობაში ადგილს დაკარგავს
როგორც კატალონიური Sport იტყობინება, უსმან დემბელე ტრავმისა და მის ირგვლივ განვითარებული მოვლენების გამო, დიდი ალბათობით სასტარტო ფეხბურთელის სტატუსს დაკარგავს. დაბრუნების შემდეგ ფორვარდი სავარაუდოდ შეტევის გაძლიერების მეოთხე ვარიანტი იქნება. აქამდე, სხვადასხვა წყაროების ცნობით, იგი სექტემბრის ბოლოს უნდა დაბრუნებულიყო.
AS-მა უკვე გაავრცელა ინფორმაცია, რომ ლა ლიგის შემდეგ მატჩში, რომელიც "ვალენსიას" წინააღმდეგ გაიმართება, ერნესტო ვალვერდე მესი-სუარესი-გრიზმანის ტრიოს დაყენებას გეგმავს. დემბელეს დაქვეითების ალბათობა უფრო იზრდება, თუ ანსუ ფატისა და კარლეს პერესის წარმატებებსაც გავითვალისწინებთ.
კლუბი უკმაყოფილოა დემბელეს არაპროფესიონალიზმით. ფეხბურთელმა ტრავმა ჩემპიონატის პირველ მატჩში "ბილბაოსთან" მიიღო. სამედიცინო პერსონალმა გამოკვლევები შემდეგი დღისთვის გადადო, თუმცა ფრანგმა შვებულებაში გასვლა გადაწყვიტა, რადგან ფიქრობდა, რომ მისი ტრავმა სერიოზული არ იყო.
გარდა ამისა, ცნობილია ისიც, რომ კლუბი მისი გამოყენებას ნეიმარის ტრანსფერისთვის გეგმავდა, თუმცა თვითონ ფეხბურთელმა პსჟ-ში გადასვლაზე უარი განაცხადა. ზემოთხსენებული წყარო იტყობინება იმასაც, რომ ასეთი ქმედებები ცუდად აისახება ფრანგისა და დანარჩენ ფეხბურთელების ურთიერთობებზე, რადგანაც რამდენიმე წამყვან ფეხბურთელს ნეიმარის დაბრუნება უნდოდა.
ამ სიახლეზე კომენტარები გათიშულია.
კომენტარები [ 6 ]