ლა ლიგის პრეზიდენტი: მესი სასიცოცხლო მნიშვნელობისაა, რონალდუ და ნეიმარი - არა
ლა ლიგის პრეზიდენტი ხავიერ ტებასი, ნეიმარის ესპანურ ფეხბურთში დაბრუნებასთან დაკავშირებით, საინტერესო კომენტარს აკეთებს.
"რა თქმა უნდა, ნეიმარის ლა ლიგაში დაბრუნება მინდა. მისი თვისებების გათვალისწინებით, ის მსოფლიოს სამ საუკეთესო ფეხბურთელს შორის შედის. თუ ის დაბრუნდება, ეს ლა ლიგისთვის ძალიან მნიშვნელოვანი იქნება. თუმცა, ეს, ჩვენთვის, გადამწყვეტ როლს არ ითამაშებს.
წელიწადში 10 თვის განმავლობაში ვთამაშობთ, 20 გუნდიდან ყველა ერთმანეთს ეთამაშება, გულშემატკივარს სიამოვნებას ანიჭებს როგორც ესპანეთში, ასევე მთელს მსოფლიოში. ნეიმარის დონის ფეხბურთელი გულშემატკივრებს იმ ქვეყნიდან შეგვძენს, სადაც მას ბევრი ქომაგობს, მაგრამ ის ლა ლიგისთვის სასიცოცხლო მნიშვნელობის ელემენტი არაა ისევე, როგორც არ იყო კრიშტიანუ რონალდუ.
ლა ლიგისთვის სასიცოცხლო მნიშვნელობის ელემენტი ლიონელ მესია, რადგან ის ამ ტურნირის მემკვიდრეობაა." - ციტირებს ტებასის სიტყვებს Marca.
შეგახსენებთ, რომ ტებასს "რეალის" მიმართ სიმპათიები არასდროს დაუმალავს.
ამ სიახლეზე კომენტარები გათიშულია.
კომენტარები [ 5 ]