"ბარსელონამ" ლა ლიგაში პირველი გამარჯვება მოიპოვა - 5:2 "ბეტისთან"
ესპანეთის ჩემპიონატის წარუმატებლად დაწყების შემდეგ, "ბარსელონამ" თამაში გამოასწორა და საკუთარ მოედანზე "რეალ ბეტისის" დიდი ანგარიშით დამარცხება შეძლო.
მატჩის პირველი გოლი მე-15 წუთზე ნაბილ ფეკირმა შეაგდო. პირველ ტაიმში კატალონიელები უპირატესობას ფლობდნენ, მაგრამ მხოლოდ ანგარიშის გათანაბრება მოახერხეს - 41-ე წუთზე თავი ანტუან გრიზმანმა გამოიჩინა. უპირატესობის ანგარიშში ასახვა "ბარსამ" მეორე ტაიმის პირველ ნახევარში მოახერხა, როცა გოლები გრიზმანმა, პერესმა და ჟორდი ალბამ გაიტანეს. 77-ე წუთზე ცვლილებაზე გამოსულმა არტურო ვიდალმაც შეაგდო, რასაც პასუხად ლორენ მორონის ულამაზესი გოლი მოყვა - 5-2.
შეხვედრაში 16 წლის ანსუ ფატის დებიუტიც შედგა, რომელიც მოედანზე 79-ე წუთზე გავიდა.
მესამე ტურში, "ბარსელონა" სტუმრად "ოსასუნას" დაუპირისპირდება.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 14 ]