გულშემატკივრები ბართომეუს ნეიმარის დაბრუნებას სთხოვენ
ბილბაოში სასტუმროსთან, რომელშიც "ბარსელონას" ფეხბურთელები უნდა მისულიყვნენ, გულშემატკივარი შეიკრიბა და ნეიმარის სახელს სკანდირებდა. განსაკუთრებით ახალგაზრდა ქომაგები გამოირჩეოდნენ, რომელთაც ბრაზილიელის კატალონიურ კლუბში დაბრუნდება სურთ. შეძახილები კლუბის პრეზიდენტმა, ჟოზეპ მარია ბართომეუმ და სპორტულმა დირექტორმა, ერიკ აბიდალმა კარგად გაიგეს. სწორედ სკანდირების დროს ისინი სასტუმროში შედიოდნენ.
"ბარსელონა" კვლავ აგრძელებს მოლაპარაკებებს ფრანგულ კლუბთან. კატალონიელები ნეიმარში 100 მილიონ ევროს იხდიან და ტრანსფერში დამატებით ორ ფეხბურთელს რთავენ, რომელთაგან ერთ-ერთი ფილიპე კოუტინიო უნდა ყოფილიყო, მაგრამ ბრაზილიელი მიუნხენის "ბაიერნში" გადადის.
ესპანეთში, საფრანგეთსა და გერმანიაში სატრანსფერო ფანჯარა 31 აგვისტოს დაიხურება. ასე რომ ნეიმარის ბედს საბოლოოდ ქომაგი ორ კვირაში, ან უფრო ნაკლებ დროში გაიგებს.
ამ სიახლეზე კომენტარები გათიშულია.
კომენტარები [ 5 ]