ტერ შტეგენის პირადი გამოწვევა - სამორას ტიტული
გარდა გუნდური გამოწვევისა, რომელიც ყველა შესაძლო ტიტულის მოგებას გულისხმობს, მარკ-ანდრე ტერ შტეგენს პირადი გამოწვევაც აქვს და ეს სამორას ჯილდოს მოპოვებაა. გერმანელი 5 წელია, რაც კატალონიურ კლუბში ასპარეზობს. თუმცა ამ ტიტულის დაუფლება ვერცერთხელ შეძლო.
"ბარსელონური" კარიერის პერიოდში მან 4-ჯერ მოიგო ლა ლიგა. აქედან 2-ჯერ, როგორც კლუბის პირველმა მეკარემ, მაგრამ არასდროს გამხდარა ჩემპიონატის მეკარე ყველაზე ნაკლები გაშვებული გოლით. არავინ დაობს მის სათამაშო კლასსა და მნიშვნელობაზე კლუბში. გერმანელი მართლაც "ბლაუგრანას" საკვანძო ფეხბურთელია.
როცა სამორას ჯილდო "ბარსელონას" კარის დარაჯს ბოლოს გადაეცა, ეს კლაუდიო ბრავო იყო. შემდეგ ლუის ენრიკემ პირველ მეკარედ ტერ შტეგენი აირჩია, თუმცა ამის შემდეგ ზემოხსენებული ტიტულის გამარჯვებული იან ობლაკი ხდებოდა.
გერმანელმა იცის, რამდენად რთული იქნება ამ ჯილდოს ობლაკისთვის ჩამორთმევა. სლოვენიელს კი, თავის მხრივ, სურს ზედიზედ მეხუთედ გახდეს ლა ლიგის საუკეთესო მეკარე. ობლაკს ამაში ხელს "ატლეტიკოს" სათამაშო სტილიც იწყობს, ვინაიდან მადრიდელები დაცვით თამაშს ანიჭებენ უპირატესობას და მათ კარში გატანა ყოველთვის რთულია.
თუმცა, თუკი ვინმეს შეუძლია ობლაკის მონოპოლია შეწყვიტოს სამორას ჯილდოზე, ეს წორედ მარკ-ანდრე ტერ შტეგენია.
ამ სიახლეზე კომენტარები გათიშულია.
კომენტარები [ 6 ]