პსჟ-ს ქომაგებმა ნეიმარს გასასვლელისკენ მიუთითეს
ნეიმარის მომავალი ზაფხულის სატრანსფერო ფანჯრის ყველაზე განხილვად თემად იქცა მას შემდეგ, რაც ფეხბურთელმა დაადასტურა, რომ ფრანგული კლუბის დატოვება სურს.
"ბარსელონა" და "პარი სენ-ჟერმენი" ნეიმარის საგის მთავარი მოქმედი პირები იყვნენ, ახლა კი სცენაზე "რეალიც" გამოჩნდა. ერთადერთი მხარე, რომელიც არ აფიქსირებდა მკაფიო პოზიციას, ფრანგული კლუბის ქომაგები იყვნენ. თუმცაღა მათი გზავნილი ლიგა 1-ის გახსნით მატჩში "ნიმთან" არ შეიძლებოდა უფრო ცხადი ყოფილიყო. ეს იყო დასტური იმისა, რომ ქომაგებს ბრაზილიელის წასვლა უნდათ.
Sporte Interativo-ს ინფორმაციით, იყო ნეიმარზე თავდასხმის მცედლობა და სიტყვიერი შეურაცხყოფა. ასევე, ტრიბუნებზე გამოფენილი იყო ბანერები, რომლებიც ფანების აშკარა უარყოფით დამოკიდებულებას გამოხატავდა ბრაზილიელისადმი.
ერთ-ერთ ბანერზე ეწერა "გაეთრიე აქედან", მეორეზე კი "ბ**ის შვილო"
აშკარაა, რომ პსჟ-ს ქომაგები იმედგაცრუებულნი არიან ნეიმარის საქციელით. მით უმეტეს მაშინ, როცა ამ ორი წლის განმავლობაში ფეხბურთელი მათი კერპი იყო.
ნეიმარმა ლიგა 1-ის გახსნით შეხვედრაში მონაწილეობა ტრავმიდან სრული გამოუჯანმრთელებლობის გამო ვერ მიიღო.
ამ სიახლეზე კომენტარები გათიშულია.
კომენტარები [ 6 ]