"ბარსელონა"-"არსენალი" 2:1 - კატალონიელებმა გამპერის თასი 42-ედ მოიგეს
ცოტა ხნის წინ დასრულდა გამპერის თასის რიგით 54-ე გათამაშება, რომელშიც "ბარსელონამ" ლონდონის "არსენალი" 2:1 დაამარცხა.
როგორც "ბარსელონასა" და "არსენალს" შორის გამართული ფინალების წესია, პირველი ტაიმი ლონდონელებმა 1:0 მოიგეს, მაგრამ კატალონიელებმა ჯერ ანგარიში გაათანაბრეს, ხოლო ბოლო წუთებზე გატანილი გოლის წყალობით გამარჯვება სწორედ "ბლაუგრანას" დარჩა. რომელ ფინალს გახსენებთ ეს სცენარი?
"კამპ ნოუზე" გამართულ მატჩში სტუმრები ობამეიანგმა 36-ე წუთზე დააწინაურა. 69-ე წუთზე, მეიტლენდ-ნილსმა ბურთი საჯუთარ კარში ჩაჭრა და ანგარიში გათანაბრდა, 90-ე წუთზე კი, ეფექტური დარტყმით, ლუის სუარესმა სერჟი რობერტოს გადაცემა გოლად აქცია და "ბარსამ" გამპერის თასი ზედიზედ მეშვიდედ მოიგო.
54 გათამაშებიდან "ბარსელონამ" მისი დამაარსებლის სახელობის ჯილდო 42-ედ მოიგო. "არსენალმა" კი ამ ტურნირზე ისტორიაში პირველად ითამაშა.
ამ სიახლეზე კომენტარები გათიშულია.
კომენტარები [ 10 ]