Sport: ნეიმარი "ბარსელონაში" დაბრუნების სურვილს საჯაროდ დაადასტურებს
ნეიმარსა და "პარი სენ-ჟერმენს" შორის სიტუაცია იძაბება, იტყობინება Sport.
რამდენიმე დღის წინ, ტომას ტუხელი ამტკიცებდა, რომ ნეიმარი "ინტერთან" მატჩში მონაწილეობას მიიღებდა, მაგრამ ამის მიუხედავად, ბრაზილიელ ფეხბურთელს პსჟ-ს რიგებში არცერთი ამხანაგური თამაში არ ჩაუტარებია. ოფიციალური ინფორმაციით, ამის მიზეზი ტრავმაა, თუმცა კატალონიური წყაროს ცნობით, ეს ყველაფერი სიმართლეს არ შეესაბამება.
ამჟამად, ნეიმარი "ბარსელონას" ოფიციალურ შეთავაზებას ელოდება, რომელსაც კატალონიელები პსჟ-ს გაუკეთებენ. შემდეგ კი ბრაზილიელი ფეხბურთელი თავის ყოფილ კლუბში დაბრუნების სურვილს საჯაროდ გამოთქვამს, რათა პარიზელებზე ზეწოლა მოახდინოს.
საფრანგეთსა და ესპანეთში სატრანსფერო ფანჯარა 2 სექტემბერს იხურება და Mundo Deportivo-ს ცნობით, შესაძლოა, მოლაპარაკებები ამ დრომდე გაგრძელდეს.
ასევე, მოლაპარაკებებზე გავლენას მოახდენს შეხვედრა კლუბების პრეზიდენტებს შორის, რომელიც დიდი ალბათობით, 16 აგვისტოს ლივერპულში გაიმართება.
ამ სიახლეზე კომენტარები გათიშულია.
კომენტარები [ 11 ]