"ბარსელონას" ბრაზილიელმა თავდამსხმელმა, მალკომმა, ინგლისურ "ევერტონში" გადასვლაზე უარი თქვა და უპირატესობა რუსულ "ზენიტს" მიანიჭა. ამ ინფორმაციას მადრიდული AS ავრცელებს.

წყაროს ცნობით, "ზენიტი" მზადაა 22 წლის შემტევს 5-წლიანი კონტრაქტი გაუფორმოს და ხელფასის სახით წელიწადში 6.5 მილიონი ევრო გადაუხადოს. ასეთ პირობებს ბრაზილიელ მოთამაშეს არცერთი ევროპული კლუბი არ სთავაზობს.

RMC Sport-ის ცნობით, "ბარსელონამ" და "ზენიტმა" ახალგაზრდა ფეხბურთელის ტრანსფერზე შეთანხმებას მიაღწიეს. რუსები "ბლაუგრანას" 40 მილიონ ევროს გადაუხდიან. კატალონიელები ბონუსის სახით მალკომის შედეგიანობაზე დამოკიდებულ 5 მილიონსაც მიიღებენ.

გავრცელებული ცნობებით, ტრანსფერი მალე გაოფიციალურდება.