რონალდუ: ბოლო 5 წელიწადში "ბარსელონამ" ბევრი ფული დახარჯა, მაგრამ ჩემპიონთა ლიგა მაინც ვერ მოიგო
ტურინის "იუვენტუსის" ლიდერი კრიშტიანუ რონალდუ აცხადებს, რომ ტრანსფერებში ბევრი ფულის დახარჯვა ჩემპიონთა ლიგის მოგების გარანტია არაა და ამის მაგალითაც "ბარსელონა" მოჰყავს.
"სეზონის წინ, მომდევნო წელი ყოველთვის "იუვენტუსის", "რეალისა" და "ბარსელონას" წლად ფასდება, მაგრამ ჩემპიონთა ლიგას მხოლოდ ერთი გუნდი იგებს.
მაგალითად მოვიყვანოთ "ბარსელონა". კატალონიელებმა, ბოლო 5 წელიწადში, ბევრი ფული დახარჯეს, მაგრამ ჩემპიონთა ლიგა მაინც ვერ მოიგეს. ეს ასე არ მუშაობს.
როგორც ყოველთვის, "ბარსა" ახლაც ძალიან ძლიერია. კატალონიელებმა დე იონგი და გრიზმანი შეიძინეს, ისევე, როგორც გასულ სეზონში კოუტინიო და დემბელე." - აცხადებს რონალდუ Marca-სთვის მიცემულ ინტერვიუში.
ნეიმარის "ბარსელონაში" შესაძლო დაბრუნებასთან დაკავშირებით დასმულ კითხვას რონალდუმ ასე უპასუხა: "მას "რეალს", "ბარსელონასა" და "იუვეს" უკავშირებენ. ეს პრესის საქმეა, რადგან ჟურნალისტებს გაზეთების გაყიდვა სჭირდებათ, მაგრამ მე ვფიქრობ, რომ ნეიმარი პსჟ-ში დარჩება. თუ ასე არ მოხდა, ის წავა იქ, სადაც ბედნიერი იქნება და თავისი ფეხბურთის თამაშის საშუალება ექნება. მისი თამაშის ყურება მიყვარს იმის მიუხედაად, თუ რომელ გუნდში თამაშობს."
ამ სიახლეზე კომენტარები გათიშულია.
კომენტარები [ 9 ]