ჟუნიორ ფირპო 7 წლის წინ: იმედი მაქვს, მესი ტრავმას მიიღებს და მოკვდება
22 წლის მარცხენა მცველმა, ჟუნიორ ფირპომ, რომელიც, შესაძლოა, მალე "ბარსელონას" ფეხბურთელი გახდეს, 7 წლის წინ, Twitter-ზე საინტერესო განცხადება გააკეთა.
"იმედი მაქვს, ის ვირთხა მესი ტრავმას მიიღებს, მოკვდება და გოლების გატანას შეწყვეტს, ჰაჰაჰა."
ეს ერთადერთი შემთხვევა არ ყოფილა, როდესაც ფირპომ მესი ცუდად მოიხსენია.
დღეს, ამ ყველაფერზე კომენტარი თავად ფეხბურთელმა გააკეთა.
"ეს ისეთი რამეა, რაზეც ყურადღების მიქცევა არ ღირს. ამის ახსნა უპრობლემოდ შემიძლია. იმ დროს, (2012 წელს) ჩემი საუკეთესო მეგობარი ბარსელონადან იყო და ის მესის ფანიც იყო იმიტომ, რომ ლეო მსოფლიოში საუკეთესოა, ეს ეჭვგარეშეა. ამიტომ, მის გასაღიზიანებლად მესიზე Twitter-ზე ცუდ რაღაცებს ვწერდი. ეს არის და ეს, ბავშვური რაღაცები."
"ამ დროს, Twitter-ზე სულელურ რაღაცებს ჯულიაზეც ვწერდი, ჩემს შეყვარებულზე, რომელიც ახლა ჩემი ცოლი და ჩემი შვილების დედაა. არის რაღაცები, რასაც 15 წლის ასაკში აკეთებ და ვერ აცნობიერებ, რომ ეს შენზე წლების შემდეგ გავლენას მოახდენს. თუმცა, მინდა ვთქვა, რომ თუ ამ კომენტარებმა ვინმე შეურაცხყო, ბოდიშს უპრობლემოდ მოვიხდი."
"მესი მსოფლიოში საუკეთესო მოთამაშეა, ეს ეჭვგარეშეა. როდესაც "ოქროს ბურთზე" ვსაუბრობ ყოველთვის ვამბობ, რომ ჯერ ის მესის უნდა მისცენ და შემდეგ გამოიგონონ სხვა ჯილდო მოკვდავი ფეხბურთელებისთვის." - ციტირებს ჟუნიორ ფირპოს სიტყვებს Mundo Deportivo.
ცოტა ხნის წინ, ფირპომ განაცხადა, რომ მამამისი "რეალის" გულშემატკივარია.
ამ სიახლეზე კომენტარები გათიშულია.
კომენტარები [ 12 ]