გრიზმანის პრეზენტაცია აუდიტორიის გარეშე ჩატარდება
გრიზმანის "ბარსელონაში" გადასვლა გარდაუვალია. "ბლაუგრანა" 120 მილიონს ელოდება, რომელსაც ტრანსფერში გადაიხდის. ფეხბურთელის პრეზენტაცია თუ პარასკევამდე ვერ მოესწრო, ორშაბათს გაიმართება. კლუბს სურს ყველაფერი სწრაფად დასრულდეს, რათა გრიზმანი ვარჯიშებს მალევე შეუერთდეს.
"ბარსელონას" ფანებს კარგად ახსოვთ გრიზმანის შარშანდელი ქმედებები. ფეხბურთელი თითქოს გადმოდიოდა, თუმცა საბოლოოდ კვალვ "ატლეტიკოში" დარჩა. ამის გამო კლუბს სურს უსაფრთხოება მაქსიმალურად დაიცვას.
აღსანიშნავია, რომ "კამპ ნოუზე" გაზონი იცვლება, ამიტომ ნეტოს პრეზენტაცია მწვანე საფარზე არ ჩატარებულა. სწორედ ამავე მიზეზით იგეგმება გრიზმანის პრეზენტაციის დახურულს სივრცეში ჩატარება. ეს მაშინ, როცა დე იონგის წარდგენას დაახლოებით 20 000 კაცი დაესწრო.
არსებობდა მეორე ვარინატიც - პრეზენტაციის მინი სტადიონზე ჩატარება, თუმცა იქ "დუ სოლეის" ცირკია და მესის შესახებ წარმოდგენას მართავს. აქედან გამომდინარე, ობიექტური თუ სუბიექტური მიზეზების გამო, გრიზმანის პრეზენტაცია აუდიტორიის გარშე ჩაივლის.
MARCA-ს ინფორმაციით, კლუბს სურს ფრანგი თავდამსხმელი გამპერის ტურნირამდე შეიძინოს, რათა მან პირველ მატჩში მონაწილეობა მიიღოს. შეხვედრა 4 აგვისტოს შედგება. მანამდე კი "ბლაუგრანას" საკმარისი დრო აქვს გრიზმანის საბოლოოდ შესაძენად და ფანების თვალში მისი რეპუტაციის ასამაღლებლად.
ამ სიახლეზე კომენტარები გათიშულია.
კომენტარები [ 10 ]