პსჟ ნეიმარში 222 მილიონზე მეტს ითხოვს
Marca-ს მიერ გავრცელებული ინფორმაციით, ფრანგული "პარი სენ-ჟერმენი" ნეიმარის გაყიდვას 222 მილიონ ევროზე ნაკლებად არ აპირებს.
ბრაზილიელი ფეხბურთელი "ბარსელონამ" სწორედ ამ თანხად გაყიდა, პსჟ კი ფინანსურ დათმობაზე წასვლას არ აპირებს. ამასთან ერთად, ისინი ტრანსფერში უსმან დემბელეს და ფილიპე კოუტინიოს ჩართვითაც არ არიან დაინტერესებულნი.
სამაგიეროდ, საფრანგეთის მოქმედი ჩემპიონი ნახევარდაცვის გაძლიერებაზე მუშაობს. მათი მთავარი სამიზნე "რეალის" ფეხბურთელი, კაზემიროა, მაგრამ, წყაროს ცნობით, ივან რაკიტიჩის შეთავაზების შემთხვევაში ფასის დაკლება უფრო რეალური გახდება.
"ბარსას" პრეზიდენტის თქმით, კლუბს პსჟ-სთვის ოფიციალურად არ მიუმართავს, თუმცა, სავარაუდოდ, ეს უახლოეს რამდენიმე კვირაში მოხდება, როცა "ბლაუგრანა" რამდენიმე ფეხბურთელს გაუშვებს და ტრანსფერისთვის საკმარისი თანხის მობილიზებას მოახდენს.
ამ სიახლეზე კომენტარები გათიშულია.
კომენტარები [ 7 ]