დე იონგი: "ბარსელონაში" გადასვლა გამოვრიცხე და ესპანეთიდან შემოსულ ზარებს არ ვპასუხობდი...
ჰოლანდიელი ნახევარმცველი, ფრენკი დე იონგი იხსენებს, როგორ შედგა "ბარსელონაში" მისი ტრანსფერი.
"ბარსელონა" ინტერესს თავიდანვე ამჟღავნებდა და სიმართლე რომ ვთქვათ, ეს გუნდი ყოველთვის მიზიდავდა.
თუმცა, თანდათან, მოლაპარაკებები გართულდა და იმ აზრამდე მივედი, რომ "ბარსაში" გადასვლისთვის სწორი დრო არ იყო. ტრანსფერი გამოვრიცხე და მხოლოდ "მანჩესტერ სიტის" და პსჟ-ს ვარიანტი დამრჩა. ჩემს აგენტს ვუთხარი, ესპანეთიდან შემოსული ზარებისთვის არც კი ეპასუხა".
მაგრამ, ამის შემდეგ, "ბარსელონამ" ფეხბურთელთან და მის აგენტთან პირადად შეხვედრა მოითხოვა.
"კარგი, 45 წუთი გვაქვს და მოგისმენთ, ვუთხარით ჩვენ". - ამბობს ალი დურსუნი.
"საუბარი მართლაც ამ დროში დავასრულეთ. როცა ისინი წავიდნენ, მე და ფრენკიმ ერთმანეთს შევხედეთ. უკვე ვიცოდით, რა გადაწყვეტილებას მივიღებდით".
დე იონგის დაინტერესების მთავარი მიზეზი საფეხბურთო მხარე იყო და როგორც ის აცხადებს, ხელფასს დიდ მნიშვნელობას არ ანიჭებს.
მოლაპარაკებების დროს მხოლოდ ფეხბურთზე ვსაუბრობ. ყველა კლუბთან ასე გავაკეთე.
"ბარსელონამ" ის შემომთავაზა, რაც მინდოდა და ამას ფულთან კავშირი არ ჰქონია. მითხრეს, როგორ ხედავდნენ ისინი ჩემს მომავალს და როგორ აპირებდნენ, გუნდის მნიშვნელოვან მოთამაშედ ჩამოყალიბებაში ხელი შეეწყოთ. ჩემთვის ეს ყველაზე მნიშვნელოვანია".
ამ სიახლეზე კომენტარები გათიშულია.
კომენტარები [ 5 ]