ნეიმარის ტრანსფერზე ბართომეუ პირადად მუშაობს
დღეს, ერთ-ერთმა ბრაზილიურმა წყარომ გაავრცელა ინფორმაცია, რომლის თანახმადაც, ნეიმარის მამა "ბარსელონას" წარმომადგენლებს უნდა შეხვედროდა, მაგრამ ნეიმარ უფროსმა ეს ყველაფერი უარყო. აღსანიშნავია ისიც, რომ შეხვედრის შესახებ ინფორმაცია იმ ჟურნალისტმა გაავრცელა, რომელმაც ნეიმარის "პარი სენ-ჟერმენში" ტრანსფერი პირველმა დაადასტურა.
Sport-ის ცნობით, შეხვედრა არ შედგება არც დღეს და არც ახლო მომავალში - ამას ორი მიზეზი აქვს: 1. ეს თავად ნეიმარის მამამ დაადასტურა. 2. ანდრე კური (ადამიანი, რომელსაც ნეიმარ უფროსი უნდა შეხვედროდა) თავად მიმეგზავრება ბრაზილიაში კოპა ამერიკის ნახევარფინალისა და ფინალის საყურებლად (გავრცელებული ინფორმაციით, ისინი არც ბრაზილიაში შეხვდებიან ერთმანეთს).
Sport-ის ცნობით, ნეიმარის ტრანსფერზე კლუბის პრეზიდენტი, ჟოზეპ მარია ბართომეუ პირადად მუშაობს და მან ბრაზილიელთან კონტრაქტის პირობები უკვე შეათანხმა. მეტიც, კატალონიური გამოცემის ცნობით, "ბარსელონა" ნეიმარის ტრანსფერს მალე დაასრულებს.
ამ სიახლეზე კომენტარები გათიშულია.
კომენტარები [ 9 ]