ლუი ვან გაალმა ლიონელ მესი გააკრიტიკა
"ბარსელონას" ყოფილმა მწვრთნელმა, ლუი ვან გაალმა ლიონელ მესიზე ისაუბრა. მისი აზრით, არგენტინელი გუნდური მოთამაშე არ არის და ამიტომაც ვერ ახერხებს "ბლაუგრანა" ჩემპიონთა ლიგის მოგებას.
"ვფიქრობ, არაფერია იმაზე მნიშვნელოვანი, ვიდრე გუნდური მოთამაშე - "ბარსას" ეს აკლია. მესიმ თავის თავს უნდა ჰკითხოს - რატომ ვერ იგებს ის ჩემპიონთა ლიგას ამდენი ხნის განმავლობაში?"
"შეხედეთ "ბარსელონას", რამდენი ჩემპიონთა ლიგა მოიგეს მათ მასთან, ვისაც ყველა მსოფლიოში საუკეთესოს უწოდებს? შეხედეთ ნეიმარს "პარი სენ-ჟერმენში", რამდენი ჩემპიონთა ლიგა მოიგო მან? მესი ინდივიდუალურად მსოფლიოში საუკეთესოა, რადგან მისი სტატისტიკა მართლაც გასაოცარია, მაგრამ რატომ ვერ იგებს ის ამ ტიტულს უკვე ხუთი წლის განმავლობაში?"
"როგორც კაპიტანმა, შენს თავს უნდა ჰკითხო - რატომ ვერ იგებს გუნდი ევროპაში? ვფიქრობ, მესიც პასუხისმგებელია იმაზე, თუ რა ხდება "ბარსელონაში", და არა ხოლოდ მწვრთნელი. მათ 30-კაციანი გუნდი ჰყავთ და მესი ამ ფეხბურთელებთან უნდა ადაპტირდეს და არა პირიქით." - ციტირებს ლუი ვან გაალის სიტყვებს El Pais.
ამ სიახლეზე კომენტარები გათიშულია.
კომენტარები [ 15 ]