კოუტინიო და დემბელე ნეიმარის ტრანსფერში ერთვებიან
თუ "ბარსელონამ" საბოლოოდ გადაწყვიტა ნეიმარის შეძენა, მაშინ მას მსხვერპლის გაღება მოუწევს სხვა ფეხბურთელების სახით. როგორც მოგეხსენებათ, ნეიმარმა კატალონიური კლუბი 2017 წელს 222 მილიონის სანაცვლოდ დატოვა და "პარი სენ-ჟერმენს" შეუერთდა. ახლა, როცა "ბლაუგრანას" ბრაზილიელის კვლავ დაბრუნება სურს, პარიზული კლუბი დიდ თანხას მოითხოვს, პირობების დასაკმაყოფილებლად კი რამდენიმე ფეხბურთელის "გაწირვა" იქნება საჭირო.
"ბარსელონა" ცდილობს იმ ფეხბურთელების ტრანსფერში ჩართვას, რომლებიც შეთანხმებას უფრო იაფს გახდის. ასეთები ფილიპე კოუტინიო და უსმან დემბელეა. ნეიმარის გაყიდვით მიღებული თანხით "ბარსელონამ" სწორედ ეს ფეხბურთელები იყიდა და თითოეულ მათგანში 100 მლნ ევროზე მეტი გადაიხადა. MARCA-ს ინფორმაციით, კლუბი გადაწყვეტილებას სატრანსფერო ფანჯრის დასრულებამდე მიიღებს.
ამ სიახლეზე კომენტარები გათიშულია.
კომენტარები [ 19 ]