4 ნაბიჯი ნეიმარის დასაბრუნებლად
სანდო ბრაზილიური წყაროს, Globoesporte-ის ცნობით, "ბარსელონა" უკვე აწარმოებს მოლაპარაკებებს ნეიმარის წარმომადგენლებთან, რათა 27 წლის ფეხბურთელი კატალონიურ კლუბში დაბრუნდეს. თუმცა, Mundo Deportivo ირწმუნება, რომ სანამ "ბარსელონა" "პარი სენ-ჟერმენს" ოფიციალურ შეთავაზებას გაუკეთებს, კლუბმა ოთხი საკითხი უნდა მოაგვაროს.
1. სამწვრთნელო შტაბის თანხმობა
ეს აუცილებელია, რადგან ანტუან გრიზმანის ტრანსფერი თითქმის დასრულებულია, ნეიმარი კი ფრანგის პოზიციაზე თამაშობს და მათ მოედანზე მსგავსი მოვალეობები ექნებათ. სამწვრთნელო შტაბმა უნდა მოიფიქროს, თუ როგორ მოხერხდება მათი ერთად თამაში.
2. ხელფასის შემცირება
რა თქმა უნდა, ტრანსფერის განხორციელების შემთხვევაში, ბრაზილიელი ხელფასის შემცირებას უნდა დასთანხმდეს. ამჟამად, ის წელიწადში 30 მილიონ ევროს იღებს.
3. სასამართლო დავის შეწყვეტა
ნეიმარი ჯერ კიდევ ელოდება "ბარსელონასგან" ბონუსის მიღებას 2017 წელს "გახანგრძლივებული" ხელშეკრულების გამო. კლუბი ფიქრობს, რომ ბრაზილიელი სასამართლო დავას შეწყვეტს თუ ის "ბარსელონაში" დაბრუნდება.
4. ფეხბურთელების დარწმუნება ლიგა 1-ში სათამაშოდ
"ბარსელონა" არ აპირებს ნეიმარში ასტრონომიული თანხის გადახდას, ამიტომ ისინი ტრანსფერში ერთ-ერთ "ლურჯ–ბროწეულისფერს" ჩართავენ (უსმან დემბელე, ფილიპე კოუტინიო, სამუელ უმტიტი, ივან რაკიტიჩი). ლიგა 1-ში გადასასვლელად "ბლაუგრანას" რომელიმე ფეხბურთელის დარწმუნება მოუწევთ, რადგან ნეიმარისგან განსხვავებით, ეს ფეხბურთელიები აცნობიერებენ, რომ "ბარსელონადან" "პარი სენ-ჟერმენში" გადასვლა უკან გადადგმული ნაბიჯი იქნება.
ამ სიახლეზე კომენტარები გათიშულია.
კომენტარები [ 8 ]