კოუტინიოს კომენტარი დუბლის შემდეგ
კოპა ამერიკის ტურნირი ბრაზილიისა და ბოლივიის დაპირისპირებით გაიხსნა. "სელესაომ" პირველ მატჩში ბოლივია 3:0 დაამარცხა. გამარჯვებაში დიდი წვლილი შეიტანა ფილიპე კოუტინიომ, რომელმაც თავი დუბლით გამოიჩინა. მატჩის შემდეგ MARCA-მ სთხოვა კოუტინიოს მიემართა "ბარსელონას" იმ ფანებისთვის, რომლებმაც თამაშს უყურეს.
"მათთვის სათქმელი ბევრი არაფერი მაქვს. მადლობას ვუხდი იმ მხარდაჭერისთვის, რომელსაც ვგრძნობდი. საკმაოდ რთული პერიოდი მქონდა, მოწოდების სიმაღლეზე ვერ ვიყავი. მაგრამ ეს ფეხბურთია... ძალიან ბევრს ვმუშაობ, რათა გავაუმჯობესო ჩემი ფორმა."
კოუტინიოს ჟურნალისტებმა ასევე ჰკითხეს, იყო თუ არა ეს დღე ყველაზე ბედნიერი ამ სეზონში, თუმცა მან თავშეკავებით უპასუხა.
"ბედნიერებაა, როდესაც ორი გოლი გაგაქვს და გუნდს გამარჯვებაში ეხმარები." - ციტირებს ბრაზილიელის სიტყვებს MARCA.
ამ სიახლეზე კომენტარები გათიშულია.
კომენტარები [ 17 ]