"რეალის" ყოფილმა ნახევარმცველმა ფრენკი დე იონგზე ისაუბრა
"რეალის" ყოფილმა ნახევარმცველმა, ხოსე როდრიგესმა ფრენკი დე იონგზე ისაუბრა, რომელიც კარიერას "ბარსელონაში" განაგრძობს.
"მან ძალიან გამაკვირვა. დე იონგი ჩავის მაგონებს. შესაძლოა, ის არ არის გოლის გატანისკენ მიმართული, მაგრამ ფრენკი ბურთს შესანიშნავად აკონტროლებს. ასევე, ჰოლანდიელი ძალიან ჭკვიანია. მან იცის, როდის უნდა წაიღოს ბურთი წინ და როდის უნდა გააკეთოს პასი. როცა თამაში მშვიდად მიმდინარეობს, ისე ჩანს, თითქოს ის მოედანზე არ არის, მაგრამ ბურთი ყოველთვის მასთანაა."
"ადაპტაცია? კარგ მოთამაშეებს ადაპტაცია არ სჭირდებათ. "ბარსელონას" ეს შენაძენი მომავალ 10 წელიწადზეა გათვლილი."
ესპანელმა "ბარსელონას" ერთ-ერთ მთავარ სამიზნეზე, მატიას დე ლიხტზეც ისაუბრა: "ის ძალიან დიდია, ძალიან ძლიერი და ძალიან სხარტი. თავის ასაკთან შედარებით, ის ძალინ დიდია. მატიასს ბევრი აქვს სასწავლი და გამოსასწორებელი. ვფიქრობ, ის მსოფლიოში ერთ-ერთი საუკეთესო მცველი გახდება." - ციტირებს ხოსე როდრიგესის სიტყვებს Marca.
ამ სიახლეზე კომენტარები გათიშულია.
კომენტარები [ 6 ]