მუსა ვაგე: ვამაყობ, რომ "ბარსელონას" ფეხბურთელი ვარ
"ბარსელონას" ახალგაზრდა მცველმა, მუსა ვაგემ, სენეგალის ნაკრებში გამოძახების შემდეგ კატალონიური გუნდის ოფიციალურ მედიასთან ისაუბრა.
"ბარსა ბ"-ში რამდენიმე კარგი თამაში ჩავატარე და ძირითად გუნდში გამოსვლის შანსი მომეცა. დებიუტი შესანიშნავი გრძნობა იყო.
კლუბში მითხრეს, რომ თუ ბევრს ვიშრომებდი, პირველ გუნდში თამაშის საშუალება მექნებოდა და კარგია, რომ ეს მომენტი გამოვიყენე.
ახალ თანაგუნდელებთან ერთად ბევრს ვსწავლობ და ვფიქრობ, აქ მოსვლის შემდეგ ბევრად უფრო გავძლიერდი.
"ბარსელონაში" პირველი სენეგალელი ფეხბურთელი ვარ. ამით ვამაყობ. ჩემს ქვეყანაშიც ამაყობენ და ამით ძალიან ბედნიერი ვარ.
მსოფლიოს თასზე გატანა ჩემი კარიერის ყველაზე გამორჩეული მომენტი იყო, რომელიც ყოველთვის მემახსოვრება.
სენეგალი აფრიკის ჩემპიონატის ერთ-ერთი მთავარი ფავორიტია, მაგრამ ბევრი ძლიერი კონკურენტი გვყავს. ვეცდებით, სტატუსი გავამართლოთ და ტურნირზე, რაც შეიძლება, შორს წავიდეთ". - თქვა ვაგემ.
ამ სიახლეზე კომენტარები გათიშულია.
კომენტარები [ 24 ]