Sport: "ბარსელონა", შესაძლოა, თორმეტამდე მოთამაშემ დატოვოს
უახლოეს ზაფხულში "ბარსელონა" შემადგენლობის სერიოზულ განახლებას გეგმავს, იტყობინება Sport.
წყაროს ინფორმაციით, კატალონიურ კლუბში გადაწყვიტეს, რომ გუნდის მთავარი მწვრთნელი, ერნესტო ვალვერდე არ გაანთავისუფლონ და გუნდის გაახალგაზრდავებაზე კონცენტრირდნენ. ზაფხულში "კამპ ნოუს" დაზუსტებით დატოვებენ ხეისონ მურილიო და კევინ-პრინს ბოატენგი, რომლებსაც იჯარის ვადები ეწურებათ. ასევე წავლენ ტომას ვერმალენი და დუგლას პერეირა - მათი კონტრაქტები 30 ივნისამდე მოქმედებს. გარდა ამისა, "ბარსელონას" სამწვრთნელო შტაბი ანდრე გომეშზე (იჯარით "ევერტონში"), დენის სუარესსა (იჯარით "არსენალში") და რაფინია ალკანტარაზე იმედებს არ ამყარებს.
ასევე არის იმის ალბათობაც, რომ "ლურჯ-ბროწეულისფერთა" რიგები იასპერ სილესენმა, სამუელ უმტიტიმ, ივან რაკიტიჩმა, მალკომმა და ფილიპე კოუტინიომ დატოვონ.
ამ სიახლეზე კომენტარები გათიშულია.
კომენტარები [ 11 ]