ტიმ კეჰილი: "ოქროს ბურთს" რონალდუ იმსახურებს
ყოფილმა ავსტრალიელმა ფეხბურთელმა, ტიმ კეჰილმა "ოქროს ბურთზე" ისაუბრა. მისი აზრით, მთავარი ინდივიდუალურ ჯილდოს მოგება კრიშტიანუ რონალდუს ეკუთვნის.
"ვიცი, რომ ხალხი არ დამეთანხმება, მაგრამ "ოქროს ბურთს" რონალდუ იმსახურებს, იმის გამო, რაც მან "იუვენტუსში" გააკეთა. კრიშტიანუმ "რეალი" დატოვა, წავიდა იტალიაში და ძალიან დიდი გავლენა მოახდინა სხვა ჩემპიონატზე. ის ერთადერთი ფეხბურთელია, რომელიც ამას "მანჩესტერში" და "რეალშიც" აკეთებდა წლების განმავლობაში."
"ვიცი, რომ მან ჩემპიონთა ლიგა ვერ მოიგო, მაგრამ რონალდუს ყველა კლუბში დიდი გავლენა აქვს. მესმის, რომ ხალხი არ დამეთანხმება, მაგრამ მე უბრალოდ ვაფასებ მის პროფესიონალიზმს." - ციტირებს ტიმ კეჰილის სიტყვებს Goal.
შეგახსენებთ, რომ ტიმ კეჰილის რონალდუსადმი სიმპათიების მიუხედავად, "ოქროს ბურთის" მოგების მთავარ ფავორიტად, "ბარსელონას" კაპიტანი, ლიონელ მესი მიიჩნევა.
ამ სიახლეზე კომენტარები გათიშულია.
კომენტარები [ 16 ]