გულშემატკივრის ემოციური პოსტი ლეო მესის შესახებ
არგენტინელი სანტიაგო ალბერიონე იღბლიანი ადამიანია - გუშინ მან ლიონელ მესი შემთხვევით ნახა. ეს ბარსელონას გარეუბანში, კასტელდეფელსში მოხდა, სადაც ლეო ცხოვრობს.
მალევე, სანტიაგომ მესისთან ერთად გადაღებული სურათი სოციალურ ქსელში გამოაქვეყნა და ემოციური ტექსტიც დაურთო, რომელსაც Marca ავრცელებს.
"დაუვიწყარი დღე იმ ადამიანისთვის, ვისაც სპორტი უყვარს.
თუ შენ ანტი-მესი ხარ, იმედი მაქვს, ამ პოსტს არ კითხულობ.
დღეს, ჩემი ერთ-ერთი უმთავრესი ოცნება ავისრულე - ლიონელ ანდრეს მესის შევხვდი.
გამიმართლა და მასთან ერთად სურათი გადავიღე, სახლში კი საჩუქრით დავბრუნდი, რომელიც ჩემთვის, სპორტთან დაკავშირებული ყველაზე ისტორიული საჩუქარია.
დიდი ხნის ნანატრი მომენტი კასეტელდეფელსში, დაახლოებით დილის 9 საათზე დადგა.
დავინახე, როგორ გადმოკვეთა შორტებში გამოწყობილმა ამ პატარა ბიჭმა ქუჩა და ზუსტად იმ ადგილას მოვიდა, სადაც მე ვიყავი. ჩემი გული წამში 8-ჯერ სცემდა, პირი გამიშრა და უცნაური ხმა გამოვეცი, როდესაც ჩემს თავს ვუთხარი - "რწყილი" მოვიდა, დიახ, ეს მესია!!!!!
შემდეგი, რაც გავაკეთე, მას დიდი მოწიწებით ვთხოვე ჩემთან სურათი გადაეღო. ბოდიში მოვუხადე, რომ მის პირად სივრცეს ვარღვევდი.
გაღიმებული დამთანხმდა და მითხრა, რომ არ მენერვიულა, რადგან ის ამით არ წუხდებოდა.
შემდეგ მან მაისურზე ხელი მომიწერა და მკითხა, კორდობადან ხომ არ ვიყავი. მე კითხვითვე ვუპასუხე - ასეთი აშკარა იყო თუ არა, საიდან ვიყავი.
დიდებული და თავმდაბალი სიცილით მან მითხრა, რომ აშკარა იყო.
შემდეგ მადლობა გადავუხადე და კიდევ ერთხელ მოვუბოდიშე, რაზეც მან ღიმილით მიპასუხა: "ნუ ნერვიულობ, თავს მოუფრთხილდი." შემდეგ გადამეხვია, ხელი ჩამომართვა და სახლში შევიდა.
ეს ყველაფერი დაახლოებით 60 წამს გაგრძელდა, მაგრამ ჩემთვის უსასრულოდ გრძელდებოდა.
რა თქმა უნდა, შემდეგ მე მთელი ემოციით ვიტირე. მე ხომ ყველა დროის საუკეთესო ფეხბურთელს შევხვდი (დებატების თავიდან ასარიდებლად - ჩემი აზრით საუკეთესოს).
დღეს მე ჩემი ოცნება ავისრულე და სამყაროში უბედნიერესი ადამიანი ვარ.
მიყვარხარ და გმადლობ, რომ არგენტინელი ხარ."
ამ სიახლეზე კომენტარები გათიშულია.
კომენტარები [ 14 ]