მატიას დე ლიხტის მომავალი უახლოეს დღეებში გადაწყდება
იმის მიუხედავად, რომ მატიას დე ლიხტს "ბარსელონას" აქტიურად უკავშირებენ, კატალონიელები ტრანსფერის დასრულებას მაინც ვერ ახერხებენ.
Diario Sport-ის ცნობით, ახალგაზრდა ფეხბურთელის ჩემპიონთა ლიგაზე კარგი თამაშის გამო, მისით ბევრი კლუბი დაინტერესდა, რომლებიც უფრო მეტს იხდიან, ვიდრე "ბარსელონა". კატალონიელებისთვის პრობლემას დე ლიხტის აგენტი, მინო რაიოლაც წარმოადგენს. მატიასის ტრანსფერში აქტიურ მონაწილეობას იღებს "ბლაუგრანას" პრეზიდენტი, ჟოზეპ მარია ბართომეუ, რომელმაც ფრენკი დე იონგის გაფორმებაში დიდი როლი ითამაშა.
წყაროს ცნობით, დე ლიხტს სურს, რომ ყველაფერი 24 მაისამდე გაირკვეს, რადგან ამ დროს ის ჰოლანდიის ნაკრებს უნდა შეუერთდეს. დიდი ალბათობით, დღეს, 19 წლის ფეხბურთელი "აიაქსის" შემადგენლობაში ბოლო მატჩს ჩაატარებს, რის შედეგაც, 10 დღე დაისვენებს. ამ დროის განმავლობაში, "ბარსელონა" შეეცდება ტრანსფერი საბოლოოდ დაასრულოს.
ამ სიახლეზე კომენტარები გათიშულია.
კომენტარები [ 5 ]