"ბარსელონა" ნელსონ სემედუს გაყიდვის ვარიანტს განიხილავს
"ბარსელონას" პორტუგალიელი მარჯვენა მცველის, ნელსონ სემედუს თამაშით კლუბში კმაყოფილები არიან, მაგრამ მისი კატალონიიდან წასვლა გამორიცხული მაინც არაა.
25 წლის ფეხბურთელი თავის მომავალზე დაფიქრდა, რისი მიზეზიც ისაა, რომ მას უფრო მეტი სათამაშო დრო სჭირდება.
პორტუგალიელს ინგლისური და იტალიური გუნდები ეპატიჟებიან და ისინი მზად არიან ფეხბურთელში 35 მილიონი ევრო გადაიხადონ.
"ბარსელონა" სემედუს თამაშით კმაყოფილია, მაგრამ, Marca-ს ცნობით, მატიას დე ლიხტისა და ანტუან გრიზმანის ტრანსფერებისთვის თანხის მოსაზიდად კატალონიელები მზად არიან ნებისმიერი ფეხბურთელის სარფიანად გაყიდვას დასთანხდნენ, რა თქმა უნდა, ლიონელ მესის გარდა.
ნელსონ სემედუ "ბარსელონაში" 2017 წლის ზაფხულში, "ბენფიკადან" 30.5 მილიონი ევროს სანაცვლოდ გადმოვიდა. კატალონიური გუნდის მაისურით მან 79 თამაში ჩაატარა და 1 გოლი გაიტანა.
პორტუგალიელის წასვლის შემთხვევაში მას პირველ გუნდში "ბარსა ბ"-ს მარჯვენა მცველი მუსა ვაგე შეცვლის.
ამ სიახლეზე კომენტარები გათიშულია.
კომენტარები [ 13 ]