11 "ლა მასიელი" - ვალვერდე გვარდიოლას გაუთანაბრდა

ბოლო ორი სეზონის სტატისტიკა ცხადყოფს, რომ "ბარსელონას" მთავარი მწვრთნელი ერნესტო ვალვერდე კატალონიური კლუბის აღსაზრდელებს ენდობა.

ლა ლიგის ბოლოსწინა ტურში, "ხეტაფესთან" გამართული შეხვედრის (2:0) 69-ე წუთზე, ტრავმირებული ფილიპე კოუტინიოს ნაცვლად, ვალვერდემ მოედანზე 19 წლის თავდამსხმელი აბელ რუისი შეუშვა.

რუისი "ლა მასიას" რიგით მე-11 აღზრდილი გახდა, რომელიც ვალვერდემ პირველ გუნდში ათამაშა. იგივე შედეგი ჰქონდა პეპ გვარდიოლას "ბარსელონას" მწვრთნელობის პირველ ორ სეზონშიც.

აბელ რუისამდე ვალვერდესგან შანსი მარკ კუკურელიამ, დავიდ კოსტასმა, ორიოლ ბუსკეტსმა, ხოსე არნაისმა, ხორხე კუენკამ, ალექს კოლიადომ, მუსა ვაგემ, ჩუმიმ, რიკი პუჩმა და ხუან მირანდამ მიიღეს. პირველ გუნდში ადგილის დამკვიდრება მათგან, ჯერჯერობით, ვერცერთმა მოახარხა.