AS: "ბარსელონას" 10 ფეხბურთელი დატოვებს
მიმდინარე სეზონის დასრულების შემდეგ "ბარსელონაში" ძირეული ცვლილებები იგეგმება. მადრიდული AS-ის ინფორმაციით, კატალონიური კლუბი ზაფხულში, შესაძლოა, 10-მა ფეხბურთელმა დატოვოს.
ხეისონ მურილიოსა და კევინ-პრინს ბოატენგის გუნდიდან წასვლა გადაწყვეტილია. კოლუმბიელი მცველი "ვალენსიაში" დაბრუნდება, განელი ნახევარმცველი კი - "სასუოლოში".
კატალონიურ კლუბს დატოვებს კიდევ ერთი მცველი ტომას ვერმალენი. გუნდიდან წასვლას აპირებს მეკარე იასპერ სილესენიც, რომელშიც "ბარსელონას" 30 მილიონი ევროს გამომუშავება სურს.
"ბარსა" მყიდველს ეძებს ფილიპე კოუტინიოსთვის. კატალონიელებმა ბრაზილიელი ნახევარმცველი, შესაძლოა, 100 მილიონ ევროდ გაუშვან.
შესაძლოა, გუნდიდან წავიდეს ფრანგი ცენტრალური მცველი სამუელ უმტიტიც, განსაკუთრებით იმ შემთხვევაში, თუ "ბარსელონა "აიაქსის" კაპიტანს, მატიას დე ლიხტს დაიმატებს.
კლუბი მზადაა ბრაზილიელი შემტევის, მალკომის გასაყიდადაც მომგებიანი შეთავაზების შემთხვევაში - მინიმუმ 35 მილიონი ევრო.
გამორიცხული არაა არც ივან რაკიტიჩის წასვლა. კატალონიური Mundo Deportivo-ს ცნობით, ხორვატი ნახევარმცველით "ინტერი" ინტერესდება.
"ბარსელონაში" კითხვის ნიშნის ქვეშაა რაფინია ალკანტარას მომავალიც. კატალონიელები დენის სუარესთან განშორებასაც განიხილავენ.
ამ სიახლეზე კომენტარები გათიშულია.
კომენტარები [ 24 ]