რობერტსონის ინტერვიუ "ბარსელონასთან" მატჩის წინ
"ლივერპულის" შოტლანდიელმა მცველმა, ენდრიუ რობერტსონმა, "ბარსელონასთან" დღევანდელი მატჩის წინ კომენტარი გააკეთა. შეგახსენებთ, რომ "კამპ ნოუზე" პირველი შეხვედრა კატალონიელების გამარჯვებით (3:0) დასრულდა.
"ჩვენ იდეალური ფეხბურთი უნდა წარმოვაჩინოთ და კიდევ, იღბალიც აუცილებლად ჩვენკენ უნდა იყოს. თუ "ბარსელონა" მხოლოდ ერთ გოლს გაგვიტანს, ჩვენთვის ლიგის ფინალის კარი ამ სეზონში მაშინვე დაიხურება. ჩვენ ყოველთვის გვჯერა საკუთარი ძალების, თუმცა 0:3 "ბარსელონასთან" ეს განსხვავებული შემთხვევაა.
ჩვენ აუცილებლად ბოლომდე ვიბრძოლებთ და არ დავნებდებით. მგონი, ეს ყველაფერია რისი გაკეთებაც ჩვენ ამ ეტაპზე შეგვიძლია. ყველას კარგად ესმის, რომ ჩემპიონთა ლიგის ფინალში გასვლა ურთულესი ამოცანაა, თუმცა იმედი ჯერ კიდევ ცოცხლობს.
"ენფილდზე" განსაკუთრებული რამეები ხდება და ჩვენ გვჯერა, რომ ეს საღამო სწორედ მაგიური გამოდგება. ყველაფერს გავაკეთებთ, თუმცა ცოტა იღბალი არ გვაწყენდა." - განაცხადა, რობერტსონმა.
ამ სიახლეზე კომენტარები გათიშულია.
კომენტარები [ 4 ]