ჟორდი მესტრე: პოგბა მოგვწონს, რაკიტიჩი კი გვიყვარს
"ბარსელონას" ვიცე-პრეზიდენტი ჟორდი მესტრე რამდენიმე საინტერესო საკითხზე საუბრობს.
"დე ლიხტი? არ ვიცი, რატომ ამბობენ, რომ მან ჩვენთან კონტრაქტი უკვე გააფორმა. ეს არ მომხდარა. სპორტულ დირექტორთან სეზონის ბოლოს ვისაუბრებთ.
პიკე ნამდვილად მსოფლიოს ერთ-ერთი საუკეთესო ცენტრალური მცველია, თუ არა საუკეთესო. მის გარდა გვყავს ლანგლე, უმტიტი და ძალიან ახალგაზრდა ტოდიბო. ჩვენი მცველები უმაღლესი დონის ფეხბურთელები არიან.
რაკიტიჩს ჩვენთან კონტრაქტი აკავშირებს. ხელშეკრულება წინა წელს განვაახლეთ. ის დიდებული ფეხბურთლია, გუნდის მნიშვნელოვანი წევრი და ძალიან კარგი პიროვნება. რაკიტიჩზე შეყვარებულები ვართ.
პოგბა ყველას მოსწონს, მაგრამ ყველა, ვინც ჩვენ მოგვწონს, "ბარსელონაში" ვერ ითამაშებს. მე ის მომწონს. მის შესაძლებლობებს კითხვის ნიშნის ქვეშ ვერ დავაყენებ, მაგრამ იგივე შეგვიძლია ვთქვათ სალაჰსა და აზარზე. ისინი მსოფლიო დონის მოთმაშეები არიან." - ციტირებს მესტრეს სიტყვებს Marca.
ამ სიახლეზე კომენტარები გათიშულია.
კომენტარები [ 5 ]