ბუსკეტსი: "MLS-ის ფორმატი ძალიან მომწონს"
"ბარსელონას" ესპანელმა ნახევარმცველმა, სერხიო ბუსკეტსმა განაცხადა, რომ სამომავლოდ MLS-ში გადასვლას განიხილავს. იტყობინება, El Mundo Deportivo.
"მე ყოველთვის ვამბობდი, რომ "ბარსელონაში" არ დავრჩები, თუ ჩემი როლი გუნდისთვის მეორეხარისხოვანი იქნება. როდესაც დადგება მომენტი, როცა ვიგრძნობ, რომ ჩემი ამბიციები კლებულობს და ფიზიკურადაც ვერ შევძლებ კლუბისთვის სარგებლობის მიცემას, აუცილებლად წავალ. ახლა მხოლოდ სიამაყის გრძნობით ვარ აღსავსე, იმის ფონზე რაც ამ კლუბისთვის გავაკეთე. გასაგებია, რომ მომავლის წინასწარმეტყველება არ შეიძლება, თუმცა ამერიკის შეერთებული შტატები ძალიან მიზიდავს, იქ ფეხბურთი განვითარებას განაგრძობს, არსებული ფორმატიც ჩემთვის საკმაოდ მიმზიდველია." - განაცხადა, ბუსკეტსმა.
შეგახსენებთ, რომ ბუსკეტსი "ბარსელონას" ღირსებას 2008 წლიდან იცავს, მან "ბლაუგრანას" მაისური 528-ჯერ მოირგო.
ამ სიახლეზე კომენტარები გათიშულია.
კომენტარები [ 6 ]