ოლე-გუნარ სულშერი "ბარსელონასთან" მატჩის შემდეგ
"მანჩესტერ იუნაიტედის" მთავარმა მწვრთნელმა, ოლე-გუნარ სულშერმა "ბარსელონასთან" წაგებული მატჩი (0:3) შეაჯამა.
"მე უნდა ვთქვა, რომ ლიონელ მესი ტოპ-კლასის ფეხბურთელია. რა თქმა უნდა, ის მოედანზე გამოირჩეოდა. 2:0-ის დროს საქმე გაკეთებული იყო.
მესი და რონალდუ ბოლო ათწლეულის საუკეთესო მოთამაშეები არიან, ამაზე ყველა თანხმდება. მესიმ თავისი კლასი აჩვენა.
ჩვენ "ბარსელონას" დონისკენ უნდა მივისწრაფოთ, ამის მიღწევა შეგვიძლია, მაგრამ ბევრი სამუშაო გვაქვს. თუ გვსურს "მანჩესტერ იუნაიტედის" ჭეშმარიტ დონესა და ტრადიციებს დავუბრუნდეთ, მაშინ "ბარსელონას" მსგავსი გამოწვევა უნდა მივიღოთ.
ისინი ამ ორ მატჩში რამდენიმე დონით ჩვენზე მაღლა იდგნენ. გვსურს კვლავ ვითამაშოთ ამ დონეზე შემდეგ სეზონშიც. წინ ინგლისის ჩემპიონატში მძიმე კვირა გვაქვს. არ აქვს აზრი იმაზე გაჩერებას, თუ რა შეიძლება მომხდარიყო, ჩვენ ამ კვირაზე უნდა ვკონცენტრირდეთ." - განაცხადა ნორვეგიელმა სპეციალისტმა.
ამ სიახლეზე კომენტარები გათიშულია.
კომენტარები [ 6 ]