"ბარსელონა" 17 წლის იაპონელს უმიზნებს
ახალგაზრდა შემტევი ნახევარმცველი გრანდების ყურადღებას იპყრობს.
17 წლის ტაკეფუსა კუბო, რომელიც ამჟამად "ტოკიოს" შემადგენლობაში ირიცხება და იაპონიის ჩემპიონატის ამომავალ ვარსკვლავად ითვლება, მოსალოდნელია, რომ ზაფხულში კლუბს დატოვებს.
კუბოს დებიუტი J1 ლიგაში 15 წლის ასაკში შედგა. ამით ის ყველაზე ახალგაზრდა ფეხბურთელი გახდა, რომელსაც ამ ტურნირზე უთამაშია.
ტაკეფუსა კუბოს ზედმეტსახელად "იაპონელ მესის" უწოდებენ. მან უკვე დააინტერესა არაერთი ევროპული კლუბი.
გამოცემა Marca-ს თანახმად, "ბარსელონასა" და მადრიდის "რეალის" ხელმძღვანელები უკვე ჩაებნენ ახალგაზრდა შემტევი ნახევარმცველისთვის ბრძოლაში. ინტერესს ასევე გამოთქვამს "პარი სენ ჟერმენი".
აღსანიშნავია, რომ "ბარსამ" კუბო 2011 წელს გაიფორმა, როდესაც ის ჯერ კიდევ 10 წლის იყო. ის "ლა მასიაში" ოთხი წელი თამაშობდა, თუმცა 2015 წელს ფიფას მიერ დაკისრებული სანქციის გამო, იაპონელი სამშობლოში დაბრუნდა.
ამ სიახლეზე კომენტარები გათიშულია.
კომენტარები [ 6 ]