ანდრეს ინიესტა ნანობს, რომ მეტი ჩემპიონთა ლიგის ტიტული არ აქვს
"ბარსელონას" ლეგენდამ, ანდრეს ინიესტამ კატალონიურ კლუბში გატარებული დრო გაიხსენა. მისი თქმით ის ნანობს, რომ მეტი ჩემპიონთა ლიგის ტიტული ვერ მოიგო.
"გაბრაზებული არ ვარ. რა თქმა უნდა, კარგი იქნებოდა, რომ მეტი ჩემპიონთა ლიგის ტიტული მომეგო. თუმცა, ვფიქრობ, რომ იმით უნდა ამაყობდე, რაც გაქვს. ამით ბედნიერი უნდა ვიყო. "რეალმა" ეს ტურნირი ზედიზედ სამჯერ მოიგო. ისინი ლა ლიგის ვერმოგებით, რომელსაც სხვა გუნდები იგებდნენ, ბედნიერები ვერ იქნებიან. მართალია, რომ "ბარსელონას" ბოლო წლებში ჰყავდა ისეთი შემადგენლობა, რომელსაც ჩემპიონთა ლიგაზე უკეთ თამაში შეეძლო."
ინიესტამ მისი წასვლის მიზეზებზე ისაუბრა: "თავს ყოველთვის მნიშვნელოვან ფეხბურთელად ვთვლიდი. რატომ დავტოვე "ბარსელონა"? ვგრძნობდი, რომ კლუბს ყველაფერი მივეცი რისი მიცემაც შემეძლო. აქ ჩემი გული დავტოვე."
მან "ბარსელონაში" დაბრუნების შეაძლებლობა განიხილა, რათა ახალგაზრდა ფეხბურთელებს დაეხმაროს: "ჩემზე რომ იყოს დამოკიდებული, დავბრუნდებოდი, მაგრამ არ ვიცი რა მოხდება მომავალში." - ციტირებს ანდრეს ინიესტას სიტყვებს Marca.
ამ სიახლეზე კომენტარები გათიშულია.
კომენტარები [ 6 ]