სერხიო ბუსკეტსი მატჩის შემდეგ
"ბარსელონას" საყრდენმა ნახევარმცველმა, სერხიო ბუსკეტსმა "ესპანიოლთან" მატჩის შემდეგ კომენტარი გააკეთა.
"ესპანიოლს" ულტრა-დაცვითი სათამაშო ტაქტიკა ჰქონდა. ამან საქმე გაგვირთულა, სივრცეებს ვერ ვპოულობდით. როდესაც შანსები გვქონდა, ვერ ვიტანდით. ბოლოს ჩვენი შანსები გამოვიყენეთ და მატჩი მოვიგეთ. შედეგი სამართლიანია."
ესპანელმა სანაკრებო პაუზაზეც ისაუბრა: "მგზავრობის შემდეგ თამაში ადვილი არაა. მატჩისთვის მოსამზადებლად ცოტა დრო გაქვს. ამით განსაკუთრებით დიდი კლუბები ზარალდებიან."
"მესი? ის ჩვენთვის ძალიან მნიშვნელოვანია. მან ჯარიმა შესანიშნავად შეასრულა. მისი გუნდში ყოლა დიდი უპირატესობაა. შესაძლოა თქვენ ეს გაკვირვებდეთ, მაგრამ ჩვენ ამას უკვე მივეჩვიეთ."
"მართალია, რომ დიდი უპირატესობა გვაქვს, მაგრამ არ უნდა დავივიწყოთ 2015-16 წლის სეზონი, როდესაც ზედიზედ 3 მატჩი წავაგეთ და ერთი ფრე ვითამაშეთ და ამის შემდეგ შეცდომის დაშვების უფლება აღარ გვქონდა." - განაცხადა სერხიო ბუსკეტსმა.
ამ სიახლეზე კომენტარები გათიშულია.
კომენტარები [ 9 ]