Sport: "ბარსელონამ", შესაძლოა, დე ლიხტის ტრანსფერში ტოდიბო ჩართოს
Sport-ის მიერ გავრცელებულ ინფორმაციას თუ დავუჯერებთ, "ბარსელონას" მარჯვენა მცველმა, ჟან-კლერ ტოდიბომ, რომელიც კატალონიურ კლუბს ზამთრის სატრანსფერო ფანჯრის პერიოდში შეუერთდა, შესაძლოა, გუნდი უკვე ზაფხულში დატოვოს.
"ბარსელონამ" ტოდიბო მიმდინარე სეზონის პირველ ნახევარში გაიფორმა. თავდაპირველად იგეგმებოდა, რომ ფეხბურთელი კატალონიელებს ივლისში შეუერთდებოდა, მაგრამ საბოლოოდ კლუბები სხვა პირობებზე შეთანხმდნენ.
კატალონიური წყაროს ცნობით, 19 წლის ფრანგი მცველი გამორიცხული არაა, "აიაქსის" ცენტრალური მცველის, მატიას დე ლიხტის "ბარსაში" ტრანსფერის ნაწილი გახდეს, თუმცა ჯერ გადაწყვეტილი არაა, ტოდიბო იჯარით წავა თუ ამსტერდამული კლუბის სრულფასოვანი წევრი გახდება.
აქამდე გავრცელდა ინფორმაცია, რომ "ბარსამ" "აიაქსს" დე ლიხტში 60 მილიონი ევრო შესთავაზა. პრესაში იმასაც ვკითხულობთ, რომ ჰოლანდიელები 19 წლის ფეხბურთელში დაახლოებით 100 მილიონ ევროს ითხოვენ.
ამ სიახლეზე კომენტარები გათიშულია.
კომენტარები [ 10 ]