სკალონი: "ეს მატჩი დაგვეხმარა გაგვეგო, თუ ვინ ურთიერთქმედებს ყველაზე კარგად მესისთან"
არგენტინის ეროვნული ნაკრების მთავარმა მწვრთნელმა, ლიონელ სკალონიმ, ვენესუელასთან მარცხის შემდეგ (1:3) კომენტარი გააკეთა.
"ჩვენ ვცდილობდით მეორე ტაიმში სიტუაცია გამოგვესწორებინა. მეორე ნახევარმა პოზიტიური შთაბეჭდილება დატოვა, თუმცა პირველში ყველაფერი პირიქით იყო. თუმცა უკეთესია მოთამაშეებმა ეს გზა გაიაროს, ეს თამაში ძალიან სასარგებლოა ჩვენთვის.
დიახ, ეს მატჩი ჩვენთვის კარგი მაგალითია. მესიმ კარგი შეხვედრა ჩაატარა, მომენტები, რომელიც შევქმენით, სწორედ მისი დამსახურებაა. მარცხი მტივნეულია, მაგრამ ეს მატჩი დაგვეხმარა გაგვეგო, თუ ვინ ურთიერთქმედებს ყველაზე კარგად მესისთან, ეს მოთამაშეები კი სხვებისთვის მაგალითი იქნება.
ჩვენ საინტერესო გათამაშებები გვქონდა მარცხენა ფლანგიდან, თუმცა ბევრი რამ უნდა გავაუმჯობესოთ, განსაკუთრებით ცენტრში, სადაც ლო ჩელსო და პარედესი თამაშობენ. ამ ორმა უფრო ხშირად უნდა იპოვოს მესი და ბევრი იშრომოს." - განაცხადა, სკალონიმ.
ამ სიახლეზე კომენტარები გათიშულია.
კომენტარები [ 7 ]