ერნესტო ვალვერდეს სავარჯიშო მოედანი ცარიელი დახვდა
"ბარსელონას" მთავარ მწვრთნელს, ერნესტო ვალვერდეს, გუშინ, სავარჯიშო მოედანი ცარიელი დახვდა, იტყობინება AS.
კატალონიელების თავკაცმა "ბეტისთან" მატჩის შემდეგ იმ მოთამაშეებს, რომლებიც თავიანთ ნაკრებში არ გამოიძახეს, ორდღიანი დასვენების საშუალება მისცა. თუმცა ფეხბურთელებს უთხრა, რომ თუ ისინი ვარჯიშს ან მასთან სათამაშო ტაქტიკების შესახებ გასაუბრებას მოინდომებდნენ, მათთვის "სიუტატ ესპორტივას" კარი ღია იქნებოდა. ამის მიუხედავად ვალვერდეს და მის შტაბს ცარიელ მოედანზე მოუწიათ დღის გატარება.
უსმან დემბელე, ჟერარ პიკე, კლემან ლანგლე, რაფინია, ლუის სუარესი, მალკომი, კევინ-პრინს ბოატენგი. ეს იმ ფეხბურთელების სიაა, რომლებიც თავიანთ ქვეყნებს სანაკრებო შესვენების დროს ვერ დაეხმარებიან.
შეგახსენებთ, რომ უსმან დემბელე, ლუის სუარესი და რაფინია აღდგენით პროცესს გადიან. რაც შეეხება ჟერარ პიკესა და კლემან ლანგლეს, მათ დასვენება დაიმსახურეს, რადგან ისინი ძირითადი შემადგენლობის უცვლელი წევრები არიან. ამას მალკომზე და ბოატენგზე ვერ ვიტყვით. მოსალოდნელი იყო, რომ ისინი მწვრთნელზე შთაბეჭდილების მოხდენის შანსს გამოიყენებდნენ, მაგრამ ვარჯიშზე არცერთი გამოცხადდა.
ამ სიახლეზე კომენტარები გათიშულია.
კომენტარები [ 9 ]