სამუელ უმტიტი: როგორ ვიგებთ ამდენ ტიტულს? ეს სუნამოს დამსახურებაა
"ბარსელონას" ცენტრალურმა მცველმა, სამუელ უმტიტიმ საკმაოდ საინტერესო ინტერვიუ მისცა Sport.es-ს. ის იმის შესახებ საუბრობს თუ, რატომ იყენებენ ფეხბურთელები სუნამოს მატჩის დაწყებამდე ან შესვენების დროს.
"მე ამის გაკეთება ჯერ კიდევ მაშინ დავიწყე, როცა "ლიონში" ვთამაშობდი. მაშინ სარეზერვო გუნდში გამოვდიოდი და ერთ დღესაც ვარჯიშზე მამადუ დიარა მოვიდა. მას სუნამოს სუნი შევნიშნე. დიარას ვკითხე - "ვარჯიშის წინ სუნამოს ხმარობ?" მან მიპასუხა - "კი. ამიტომ მოვიგე უამრავი ტიტული "რეალში". მადრიდში ყველა იყენებს სუნამოს ტაიმებს შორის შესვენების დროს." იმ დღიდან ჩემ თავს ვუთხარი, რომ სუნამოს მეც გამოვიყენებდი. ვფიქრობ "ბარსელონაში" ერთადერთი ფეხბურთელი არ ვარ ვინც ამას აკეთებს. სწორედ ამიტომ ვიგებთ ამდენ ტიტულს." - ციტირებს სამუელ უმტიტის სიტყვებს Sport.es.
შეგახსენებთ, რომ მამადუ დიარა "რეალში" 2006-2011 წლებში თამაშობდა და მან 2-ჯერ მოიგო ლა ლიგის ტიტული, ერთხელ კი ის ესპანეთის სუპერ თასის გამარჯვებული გახდა.
ამ სიახლეზე კომენტარები გათიშულია.
კომენტარები [ 6 ]