"ლიონი" - "ბარსელონა". ერნესტო ვალვერდე მატჩის წინ
"ბარსელონას" მთავარმა მწვრთნელმა, ერნესტო ვალვერდემ "ლიონთან" გასამართი ჩემპიონთა ლიგის 1/8 ფინალური ეტაპის მატჩის წინ პრესკონფერენცია გამართა.
"ლიონი" საშიში მეტოქეა, განსაკუთრებით, თავის სტადიონზე. ისეთ რთულ ტურნირში, როგორიც ჩემპიონთა ლიგაა, ადვილი მატჩები არ არსებობს. უმტიტი? ის არ ითხოვდა, რომ განაცხადში მოხვედრილიყო. დეტალურად მასთან არაფერი განმიხილავს. ვინ გამოვა სასტარტო შემადგენლობაში - ხვალ ვნახავთ.
შეცდომა იქნება მხოლოდ საპასუხო მატჩზე ვფიქრობდეთ. ჩვენ პირველ თამაშზე ვართ კონცენტრირებულები. რათა სწრაფი კონტრშეტევები ავიცილოთ თავიდან, აუცილებელია ბურთის დაჭერა და მეტოქის ქმედების გაკონტროლება. ჩვენ ძალიან გვინდა თამაში. ეს კარგია. ეს ნიშნავს იმას, რომ ჩვენ მზად ვართ მოახლოებული ზეწოლისთვის." - ციტირებს ვალვერდეს სიტყვებს Mundo Deportivo.
ამ სიახლეზე კომენტარები გათიშულია.
კომენტარები [ 13 ]