"ლიონის" მწვრთნელი: მესის შეჩერება შეუძლებელია
"ლიონის" მთავარმა მწვრთნელმა, ბრუნო ჟენეზიომ "ბარსელონასთან" გასამართ ჩემპიონთა ლიგის 1/8 ფინალის მატჩზე ისაუბრა.
"თქვენ ხედავთ "ლიონს", რომლის ყურებასაც მიეჩვივნენ. ვფიქრობ, ეს თამაში "მანჩესტერ სიტისთან" მატჩის მსგავსი იქნება, ერთადერთი განსხვავებით - პლეი-ოფი ახლა იწყება და ტოპ-კლუბები უკვე მთელი გულით ითამაშებენ.
ჩვენთვის ყველაზე მნიშვნელოვანი ჩვენი თამაშის პრინციპების გამყარებაა. ვიცით, რომ ალბათ, ბურთის გაკონტროლებას ვერ შევძლებთ, მაგრამ ყველამ იხილა, თუ როგორ გაუწია "ლიონმა" "მანჩესტერ სიტის" კონკურენცია. თუ მხოლოდ თავს დავიცავთ და მესიზე ვკონცენტრირდებით, შანსები არ გვექნება.
ლეოს შეჩერება შეუძლებელია. მას თამაშის ნებისმიერი გეგმის ჩაშლა შეუძლია, ის საფეხბურთო გენიოსია. ჩვენი გეგმაა კოლექტიური ქმედებებით თამაშზე მისი გავლენა შევამციროთ. მაგრამ გვესმის, რომ თუ დღეს მესის დღეა, მისი შეჩერება არარეალურია." - აცხადებს ჟენეზიო.
ამ სიახლეზე კომენტარები გათიშულია.
კომენტარები [ 4 ]