"ბარსელონას" სატრანსფერო სიაში ხუთი თავდამსხმელი იმყოფება
"ბარსელონამ" იმ ფეხბურთელების სია შეადგინა, რომლებმაც ზაფხულის სატრანსფერო ფანჯარაზე, შესაძლოა, გუნდის შეტევის ხაზი გააძლიერონ.
ახალი თავდამსხმელის შეძენა პრიორიტეტულ მიზანს არ წარმოადგენს, მაგრამ კლუბში ლუის სუარესის ასაკზე ფიქრობენ, რომელიც ზაფხულში 32 წლის გახდება და ასევე მუნირ ელ ჰადადის სიტუაციით შეშფოთებულები არიან, რომელმაც კონტრაქტის გახანგრძლივებაზე უარი თქვა და სეზონის ბოლოს "ლურჯ-ბროწეულისფერთა" რიგებს დატოვებს.
Marca-ს ინფორმაციით, "ბარსელონას" სიაში ხუთი თავდამსხმელი მოხვდა, რომელთაც კატალონიური კლუბის სკაუტები ბოლო თვეების განმავლობაში აკვირდებიან. ესენი არიან: კშიშტოფ პიონტეკი ("ჯენოა"), ნიკოლა პეპე ("ლილი"), მაქსი გომესი ("სელტა"), ლუკა იოვიჩი ("აინტრახტი") და ტიმო ვერნერი ("ლაიფციგი").
როგორც მოსალოდნელია, "ბარსელონა" ცენტრფორვარდს ზაფხულში შეიძენს, მაგრამ არაა გამორიცხული ის ვარიანტიც, რომ ეს მიმდინარე თვეში მოხდეს.
ამ სიახლეზე კომენტარები გათიშულია.
კომენტარები [ 15 ]