პიკე თავის კლუბში "ბარსას" ყოფილი ფეხბურთელების მიწვევას აპირებს
"ბარსელონას" ცენტრალური მცველი ჟერარ პიკე აპირებს, საფეხბურთო კლუბის შეძენის შემდეგ, სამწვრთნელო შტაბში კატალონიური კლუბის ყოფილი ფეხბურთელები მიიწვიოს.
ცნობილია, რომ კომპანია Kosmos, რომლის მესაკუთრეც პიკეა, აპირებს, ესპანეთის მე-5 დივიზიონში მოთამაშე კლუბი "ანდორა" შეიძინოს. გარიგება მიმდინარე თვის ბოლოს გაფორმდება. პიკე კლუბის დავალიანებას, დაახლოებით 200 ათას ევროს გადაიხდის, რის შემდეგაც, შეეცდება "ანდორა" პროფესიონალურ კლუბად აქციოს.
AS-ის ცნობით, ჟერარ სურს, "ანდორას" სამწვრთნელო შტაბში "ბარსელონას" ყოფილი ფეხბურთელები, გაბრი გარსია და ალბერ ჟორკერა ამუშავოს. ორივე მათგანი კატალონიური კლუბის აღზრდილია. გაბრი "ბარსელონას" პირველ გუნდში 1999-2006 წლებში თამაშობდა, ხოლო ჟორკერა, 2003-2009 წლებში, კატალონიელთა სათადარიგო მეკარე იყო.
გაბრის სამწვრთნელო გამოცდილება უკვე აქვს. 2014-15 წლებში ის "ბარსა ბ"-ს მთავარი მწვრთნელის თანაშემწე იყო, 2015-17 წლებში კატალონიელთა ერთ-ერთ ასაკობრივ გუნდს წვრთნიდა, 2017-18 წლებში კი - შვეიცარიულ "სიონს".
ამ სიახლეზე კომენტარები გათიშულია.
კომენტარები [ 9 ]