ვალვერდეს გადაწყვეტილებამ არტური გააკვირვა

"ბარსელონას" ბრაზილიელი ნახევარმცველი არტური გაკვირვებული დარჩა როდესაც გაიგო, რომ ის "ესპანიოლთან" მატჩის განაცხადში ვერ მოხვდა.

22 წლის ფეხბურთელს, კუნთის გადაღლის გამო, 24 ნოემბრის შემდეგ არ უთამაშია. რამდენიმე დღის წინ არტურმა სრული დატვირთვით ვარჯიში დაიწყო, რაც იმას ნიშნავდა, რომ ბრაზილიელი გამოჯანმრთელდა, თუმცა ვალვერდემ ის მაინც დერბის განაცხადს მიღმა დატოვა.

Mundo Deportivo-ს ინფორმაციით, არტური ელოდა, რომ "ესპანიოლის" წინააღმდეგ ითამაშებდა და ის ვალვერდეს გადაწყვეტილებამ გააკვირვა.