ნეიმარს ედმილსონიც ამტყუნებს
ბოლო დროს, ნეიმარსა და "ბარსელონაზე" საუბრები გახშირდა, რასაც ფეხბურთთან დაკავშირებული ცნობილი ადამიანების შეფასებები მოჰყვა. ამჯერად, ბრაზილიელი შემტევის პსჟ-ში 222 მილიონად გადასვლაზე კომენტარი "ბარსას" ყოფილმა მოთამაშემ, ედმილსონმა გააკეთა.
"ჩემი აზრით, ეს შეცდომა იყო. მსოფლიო ჩემპიონატი მოდიოდა და ამ ტურნირისთვის ფორმის პიკში შესვლა ნეიმარს "ბარსელონაში" უფრო გაუადვილდებოდა, ვიდრე პსჟ-ში, მიუხედავად პარიზელთა დიდი პატივისცემისა.
ნეიმარს ახლა რთული დრო აქვს, რადგან ლიგა 1-ში მისი გუნდი სხვებზე 2-3 თავით მაღლა დგას."
მოგეხსენებათ, ნეიმარი პსჟ-ში შარშან, 222 მილიონ ევროდ გადავიდა და წელს იმედოვნებს, რომ მისი გუნდი ჩემპიონთა ლიგის მოგებას მოახერხებს, ამისათვის კი პირველ რიგში ჯგუფიდან უნდა გავიდეს, რაც მოახლოებულ დაპირისპირებას "პარი სენ-ჟერმენსა" და "ლივერპულს" შორის დიდ ინტრიგას სძენს.
ამ სიახლეზე კომენტარები გათიშულია.
კომენტარები [ 3 ]