დემბელეს + 60 მილიონი = ნეიმარს?
კატალონიელი სპორტული ჟურნალისტის, მარსალ ლორენტეს მიერ გავრცლებული ინფორმაციით, ნეიმარის "ბარსელონაში" დაბრუნება საკმაორ რეალურია.
Mundo Deportivo-ს მიმომხილველის ცნობით, ნეიმარის დაბრუნების სურვილის, დემბელეს უდისციპლინობისა და UEFA-ს მიერ პსჟ-ს ფინანსურად სავარაუდოდ დასჯის გათვალისწინებით, გამორიცხული არაა, კატალონიელებმა პარიზელებს ახალგაზრდა ფრანგი შემტევი შესთავაზონ და ფულიც დაამატონ.
საუბარი 60 მილიონი ევროს დამატებაზეა. იმის გათვალისწინებით, რომ დემბელე დაახლოებით 85 მილიონადაა შეფასებული, ნეიმარის დაბრუნება "ბარსას" 145 მილიონი ევრო დაუჯდება. რატომ უნდა დათანხმდეს "პარი სენ-ჟერმენი" იმ ფეხბურთელის 145 მილიონად გაშვებას, რომელიც 222 მილიონად შეიძინა? ამას რამდენიმე მიზეზი შეიძლება ჰქონდეს: UEFA-ს მიერ დაწესებული სანქციები და თანხის სასწრაფოდ გამომუშავების აუცილებლობა; დემბელე სამშობლოში თავს უკეთ იგრძნობს, ვიდრე ბარსელონაში, მას არ ექნება ენის პრობლემა; პსჟ მიიღებს ნეიმარზე 5 წლით ახალგაზრდა ფეხბურთელს; დემბელეს ხელფასი ნეიმარისაზე მნიშვნელოვნად მცირე იქნება.
ამ სიახლეზე კომენტარები გათიშულია.
კომენტარები [ 11 ]