El Chiringuito: ნეიმარი დარწმუნებულია, რომ მომავალ წელს "ბარსელონაში" ითამაშებს
როგორც ჩანს, ნეიმარისა და "ბარსელონას" სატრანსფერო საგა კიდევ დიდხანს არ დასრულდება. ბოლო კვირებში პრესის მიერ გავრცელებული ცნობები უფრო და უფრო მეტყველებს იმაზე, რომ ბრაზილიელი პარიზს დატოვებს და თავის პირველ ევროპულ კლუბს დაუბრუნდება. ცეცხლზე ნავთი დღეს El Chiringuito-მაც დაასხა, რომელმაც ახალი დეტალები გაასაჯაროვა.
წყაროს ცნობით, ნეიმარი "ბარსელონაში" დაბრუნებაზე არ საუბრობს ისე, თითქოს ეს სურვილი ან შესაძლებლობა იყოს. ამჟამად პსჟ-ს ათიანი თავის გარემოცვას არწმუნებს, რომ გაისად აუცილებლად ლურჯ-ბროწეულისფერი ფორმით გავა მინდორზე.
აღნიშნული ტელევიზიის თანახმად, ნეიმარი ოჯახის წევრებთან და მეგობრებთან ხშირად იყენებს ფრაზას - "გაისად, როცა ბარსელონაში ვიქნებით..." რაც შეეხება მადრიდის "რეალს", ნეიმარი "ბლანკოსზე" არ ფიქრობს და მთლიანად კატალონიურ გრანდში დაბრუნებაზეა ფოკუსირებული.
სტატიაში ვკითხულობთ, რომ პსჟ ფეხბურთელს წასვლის ნებას მისცემს, თუმცა ცხადია არანაკლებ 222 მილიონის სანაცვლოდ, რადგან შარშან მათ ნეიმარის სანაცვლოდ სწორედ ეს თანხა გადაიხადეს. კავანისთან უთანხმოებამ და პსჟ-ს ფინანსურ ფეარ ფლეისთან დაკავშირებულმა პრობლემებმა, შესაძლოა, ტრანსფერის განხორციელებას ხელი შეუწყოს.
ამ სიახლეზე კომენტარები გათიშულია.
კომენტარები [ 12 ]