მესის ნეიმარის "ბარსელონაში" დაბრუნება სურს
"ბარსელონას" კაპიტანმა, ლიონელ მესიმ კლუბის ხელმძღვანელობას "პარი სენ-ჟერმენის" თავდამსხმელის, ნეიმარის დაბრუნების აუცილებლობა აუხსნა.
როგორც Don Balon იტყობინება, 31 წლის არგენტინელმა ფეხბურთელმა "ლურჯ-ბროწეულისფერთა" მმართველებს შეატყობინა, რომ ამ მომენტისთვის მაღალი დონის ფლანგელი თავდამსხმელების ნაკლებობაა, ამიტომაც პრინციპების გვერდზე გადადება და ბრაზილიელის უკან გამოსყიდვა ღირს, რათა ტრიო MSN აღდგეს.
ამავდროულად, ლეო მიუთითებს იმაზე, რომ ფილიპე კოუტინიო ნახევარდაცვაში უნდა დაბრუნდეს, მალკომი სათადარიგო მოთამაშედ დარჩეს, უსმან დემბელე კი საერთოდ გაიყიდოს.
შეგახსენებთ, რომ ნეიმარი "პარი სენ-ჟერმენმა" 2017 წლის ზაფხულში, რეკორდულ ფასად, 222 მილიონ ევროდ შეიძინა. პრესაში არაერთხელ გავრცელდა ინფორმაცია, რომ სამხრეთამერიკელი პარიზში ბედნიერი არაა და კატალონიაში დაბრუნება უნდა.
ამ სიახლეზე კომენტარები გათიშულია.
კომენტარები [ 6 ]