"ბეტისის" მწვრთნელი: "ბარსელონა" უბურთოდ იტანჯება
"ბეტისის" მთავარმა მწვრთნელმა, კიკე სეტიენმა, "კამპ ნოუზე" გუშინ მოგებული თამაშის (4:3) შემდეგ საინტერესო კომენტარი გააკეთა.
"როდესაც "ბარსელონასთან" სტუმრად სათამაშოდ მიდიხარ, ყოველთვის მზად ხარ იმისათვის, რომ დაიტანჯო. თუმცა, ჩვენ ჩვენი ტაქტიკა ვიცოდით და კარგად გვესმოდა, რა უნდა გაგვეკეთებინა. ვიცოდით, რომ გვაქვს ხასიათი და თუ სტრესს გავუმკლავდებოდით, კარგად ვითამაშებდით და ბურთს გავაკონტროლებდით. "ბარსელონა" არის გუნდი, რომელიც უბურთოდ ყოფნის დროს იტანჯება.
თამაშს ჩვენ ვაკონტროლებდით საწყისი წუთების გამოკლებით, როდესაც "ბარსელონა" ჩვენი საჯარიმოდან არ გადიოდა. იმის გათვალისწინებითაც კი, რომ ორი მომენტი გვქონდა, ეს საშინელება იყო.
იამაყებდა თუ არა კრუიფი "ბეტისით"? რა თქმა უნდა! ვფიქრობ, ბევრ ადამიანს, ვისაც ფეხბურთი უყვარს, ჩვენი გუნდი მოსწონს და ჩვენი თამაშით სიამოვნებას იღებს. ამით ვამაყობთ.
"ბარსელონას" გულშემატკივრები მრავალი წელია პასზე დაფუძნებულ თამაშს უყურებენ, ჩვენ კი ამას ახლა ვიწყებთ, მაგრამ კარგად ვპროგრესირებთ. ამ იდეის რეალობად ქცევას "ბარსელონაში" 20-25 წელი დასჭირდა. ჩვენ უბრალოდ ვცდილობთ, ამ იდეასთან ადაპტაცია გავიაროთ, თუმცა, საერთო მაინც ბევრი გვაქვს."
ამ სიახლეზე კომენტარები გათიშულია.
კომენტარები [ 5 ]